Gwamnan Kano Abba Gida-Gida ya ƙaddamar da Auren Gata na mutane 3600

Gwamnatin Jihar Kano ta ƙaddamar da Auren Gata da akafi sani da auren Zawarawa a yau juma’a 13 Oktoba shekarar 2023

A ranar Juma’a ne gwamnatin jihar Kano ta gudanar da daurin auren maza da mata 3,600 a fadin kananan hukumomin jihar 44

Gwamna Abba Kabir Yusuf ne ya ƙaddamar da daure An daura auren ne a fadar mai martaba Sarkin Kano Alhaji Aminu Bayero a yau

Wadanda suka ci gajiyar tallafin sun haɗar da ‘yan mata da maza, zawarawa, wadanda suka rasa mazan su kuma sun fito ne daga kananan hukumomi 44 na jihar

Bikin ya samu halartar Gwamna Abba Yusuf Jagoran Kwankwasiyya, Dr Rabiu Kwankwaso, jami’an gwamnati da malaman addini Alhaji Yusuf Nabahani Madakin Kano ne ya wakilci Sarkin Kano

Gwamna Abba Kabir Yusuf ya bayyana cewa za’ayi walimar auren domin inganta al’adu da da kuma taya su murna kan yadda suka angwance

Ya sanar da cewa, za a ci gaba da gudanar da bukukuwan a ranar Asabar da tare da walima a gidan gwamnatin Jihar