Gwamnati ta ɗauki mataki game da kalaman Asari Dokubo na kafa Gwamnatin Biafra – Bashir Tofa

Ɗaya daga cikin dattawan ƙasar nan Alhaji Bashir Usman Tofa ya shawarcii Gwamnati kan ta ɗauki mataki game da kalaman Asari Dokubo na kafa Gwamnatin Biafra.

Alhaji Bashir Tofa ya bayyana hakan ne, a wata hira da jaridar Daily Trust, inda ya ce, rashin dabara ne, yin watsi da barazanar da Dokubon ke yi, domin hakan zai iya haifar da rashin zaman lafiya.

Ya ci gaba da cewa, alamun koma baya ne, ganin yadda wasu ƙungiyoyi ke buƙatar ganin an rarraba ƙasar nan maimakon samo hanyar magance matsalolin da suka addabe ta.