Gwamnati ta amince a riƙa ajiye abin hawa da Lodi a filin Idi

Shugaban kasuwar Kantin Kwari a Kano ya ce gwamnati ta amincewa ƴan kasuwa su riƙa ajiye abin hawa da Lodi a filin Idi da ke Ƙofar Mata Don rage cinkoso a kasuwar.

Shugaban kasuwar Alhaji Hamisu Sa’adu Dogon Nama ne ya bayyana hakan yayin da yake ganawa da manema labarai a wani ɓangare na samar da tsari ga kasuwar.

Alhaji Hamisu Sa’adu Dogon Nama ya kuma ƙara da cewa rashin cushewar kasuwar shi zai taimaka wajen samar da tsari a cikin ta.

Wakilinmu Umar Abdullahi Sheka rawaito cewa shugabancin kasuwar ya ce, zai dau mataki ga duk wani ɗan kasuwa da aka samu da karya dokar kasuwa.