Gwamnatin jihar Katsina ta bada umarnin bude makarantun mata biyar dake jihar

Gwamnatin jihar katsina ta bada umarnin buden makarantun mata guda biyar da aka rufe sakamakon matsalolin tsaro a jihar.

Gwamnatin ta umarci makarantun da su yi gaggawar komawa daga gobe Laraba 24 ga watan maris na shekara 2021.

Gwamnati tace za’a bude makarantun kwanan ne domin ci gaba da karatun shekara ta 2020 da 2021 don karasa zangon karatu na farko.

Makarantun da lamari ya shafa sun hadar da sakandiren gwamnati ta Unit da ke Malumfashi da sakandiren SUNCAIS Katsina, sai sakandiren yan mata ta Dutsin Safe.

Sauran su ne: sakandiren yan mata ta Arabiyya da ke Dutsinma, sai sakandiren yan mata ta Deaf da ke Malunfashi da kuma sakandire ta masu lalurar gani da ke Katsina.