Gwamnatin Kano ta gargadi asibitoci masu zaman kansu game da sabunta rijista

Gwamnatin jihar Kano zata sanya takunkumi ga dukkan asibitoci masu zaman kansu da basu sabunta lasisi ba.

Sakataren hukumar kula da cibiyoyin lafiya masu zaman kansu na jihar, Dakta Usman Tijjani Aliyu, ne ya bayyana haka ta cikin wata sanarwar da ya fitar a ranar 29 ga watan Yulin 2021.

Dakta Aliyu, ya kuma bukaci cibiyoyin da ba su yi rijista ba da su hanzarta zuwa hukumar don yin rijistar kafin a bankadosu.