Gwamnatin Kano ta rantsar da kantomimin ƙananan hukumomi 44

Gwamnatin jihar Kano ta rantsar da kantomimin ƙananan hukumomi 44 dake faɗin jihar Kano inda gwamnan jihar Injiniya Abba Kabir Yusuf ya buƙaci dukkanin shugaban nin da aka rantsar da su tabbatar sunyi wa al’ummar yankunan su ayyukan da ya kamata.

Gwamna Abba Kabir Yusuf ya bayyana hakan ne da yammacin jiya jim kaɗan cebayan rantsar shugabannin riƙon a ɗakin taro na Coronation dake fadar gwamnatin Kano.

Gwamnan ya kuma ce za su sanya idanu akan dukkanin nin shugabannin ruƙon domin ganin sunyi wa al’umma aiki yadda ya kamata.

Ya ƙara da cewa lalacewar ƙananan hukumomi da aka sani a baya yana fatan zasu tabbatar sun farfaɗo da su

Wasu daga cikin kantomimin da aka rantsar su ce zasu tabbatar sunyiwa al’umma aikin da ya kamata domin ƙara daga darajar kananan hukumomi.

Gwamnatin kano tace ya zama wajibi aga canji a ƙananan hukumomi 44 bisa wannan naɗi da akayi.