Har yanzu ba mu samu ƙorafin kisan kai a Dala ba- SP Kiyawa

Rundunar yan sandan jihar Kano ta ce, har yanzu bata samu wani korafin kisan kai a unguwar Dala ba.

Mai Magana da yawu rundunar SP Abdullahi Haruna Kiyawa ne ya bayyana hakan ga Freedom Radio da safiyar yau.

Ya ce, wasu matasa ne suka yi faɗa a tsakanin su ta hanyar yin amfani da hawan Fanisau, sai dai kafin jami’an tsaro su isa yanke sun tsere.

Kiyawa ya kara da cewa, “Muna nan mun baza jami’an mu a dukkanin unguwannin da ake samun rahotannin faɗace-faɗacen daba domin kawo ƙarshen wannan matsala.

SP Abdullahi Haruna Kiyawa ya kuma ce, zai yi cikaken bayanin yadda lamarin ya kasance nan gaba kaɗan.