Connect with us

Labaran Kano

Hukumar EFCC ta cafke masu kamfanin boge da bindigu a Kano

Published

on

Hukumar yaki da cin hanci da rashawa EFCC ta kama wasu mutane biyu a
nan Kano masu suna Garba Iliyasu da Umar Iliyasu da ke gudanar da
kasuwancin zamani da ake yi wa mutane romon baka mai taken Ponzi
Scheme karkashin MGB Global Market.

Kamen na su ya biyo bayan bayanan sirri da hukumar ta tattara game da
yadda suke damfarar mutane bayan sun yi musu dadin bakin cewa akwai
gwaggwabar ribar akalla kashi 50 cikin makonni biyu da shiga kasuwancin.

Wannan dai na kunshe ne cikin wata sanarwa da babban jamiin yada labaran
hukumar Wilson Uwujaren ya fitar a yau Juma’a.

Wilson Uwujaren ya yi karin hasken cewa a lokacin da suka kama mutanen
sun kwato na’urorin kwamfiyuta da na cirar kudi wato POS da kuma wasu
takardu.

Sanarwar ta kara da cewa binciken EFCCn ya gano cewa wani mai suna
Muhammad Garba Iliyasu wanda shi ne manajan daraktan kamfanin ya
tsere, sai wasu ‘yan uwansa guda Abubakar Garba Iliyasu da Ibrahim Garba
Iliyasu da suma suka tsere, ana kuma ci gaba da nemansu.

Bayan wani samame da hukumar ta gudanar a gidan mutanen da ke Hotoro

a nan Kano, ta gano wasu bindigogi da alburusai da kuma takardun da ke
da alaka da aikata muggan laifuka.

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!