Connect with us

Labarai

Hukumar EFCC ta kwashe awanni 9 tana tuhumar babban hafsan sojojin Najeriya

Published

on

Akalla awanni tara hukumar EFCC mai yaki da cin hanci da rashawa ta kwashe tana tambayoyi ga tsohon babban hafsan sojin kasa na kasar nan Laftanal Janar Azubuike Ihejirika sakamakon zargin sa da almundahanar sama da naira biliyan goma sha uku.

Haka zalika hukumar ta EFCC ta kuma bukaci sanin ya akayi aka samu naira miliyan dari da goma sha biyar da dala dari da talatin da biyu da yuro dubu goma sha shida da kuma fan dubu arba’in da hudu a asusun ajiyar banki na wasu danginsa wadanda basa aikin komai.

‘Yan uwan laftanal Janar Azubuike Ihejirika da aka samu kudaden a asusun ajiyarsu ta bankin sun hada da: Raymond Ihejirika da Nkechi Ihejirika da Ndubuisi Ihejirika da Orji Ihejirika da kuma Kingsley Ihejirika.

EFCC ta kuma tuhumi laftanal Janar Azubuike Ihejirika kan sanya hannu da ya yi a takardar kwantiragin sama da naira biliyan uku da miliyan dari shida ga kamfanin wani surkinsa mai suna Chinedu Onyekwere.

Hukumar ta EFCC ta fadada bincikenta kan wasu kudade naira miliyan dari takwas da arba’in da biyar da dari shida da dala miliyan uku da dubu dari hudu da hamsin da dari shida da goma sha tara wadanda kudade ne da suka yi batan dabo a asusun kamfanin sarrafa makamai na kasa DICON.

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!