Hukumar JAMB ta ce sama da dalibai miliyan biyu ne zasu rubuta jarabawa

Hukumar shirya jarabawar shiga manyan makarantun gaba da sakandire ta kasa wato JAMB, ta ce; sama da dalibai miliyan biyu ne ake saran za su rubuta jarabawar ta JAMB a wannan shekara.

Shugaban hukumar Farfesa Ishaq Oloyede ne ya bayyana haka ga manema labarai a garin Ilorin babban birnin jihar Kwara.

Ya ce, a shekarar 2017 hukumar ta samu ribar naira biliyan goma sha biyu wadanda kudade ne da ta tattara a wajen dalibai da ke rubuta jarabawar ta JAMB, yana mai cewar, kuma tuni suka sanya naira biliyan bakwai da miliyan dari takwas a asusun tarayya.

Shugaban hukumar ta JAMB ya kuma ce hukumar ta bullo da sabbin dabaru na zamani wadanda za su taimaka wajen inganta ayyukan hukumar.