ICPC-Zamu binciki kwantiragin asusun ƴan sanda na sama da biliyan 11

Hukumar yaƙi da cin hanci da almundahanar kudade ta ƙasa ICPC, ta fara binciken kudaden kwantiragi na sama da biliyan 11 na asusun fanshon ƴan sanda na ƙasa.

A wata takarda da daraktan gudanar da aiyyuka na hukumar Akeem Lawal, ya sakawa hannu tare da aikewa da tsohon shugaban ‘yan sanda na ƙasa Suleiman Abba.

Sannan kuma an aikewa da wasu manyan muƙarraban hukumar bakwai da su bayyana a gabanta.

Sauran wanda aka gayyata sun hada da uwargida Victoria Ojogbane, da Alhaji Yahaya Mohammad, sai Lawal Gujungu,da Salihu Abubakar, sai Femi Akinfala, da Ben Akabueze, da Mansur Hammed.

Hukumar ta buƙace su da su bayyana a gabanta tun daga ranar 13 ga watan Satumbar shekarar 2021, zuwa lokacin da zata cigaba da gudanar binciken a wa’adin ranakun data dauka.