Majalisar dokokin jihar Kaduna ta tsige shugaban masu rinjaye

Majalisar dokokin jihar Kaduna ta tsige shugaban masu rinjaye na majalisar Alhaji Mohammed Inuwa da ke wakiltar karamar hukumar Doka da Gabasawa.

Hukuncin hakan ya biyo bayan rashin samun magoya baya da yayi daga mambobin zauren majalisar.

Mambobin majalisar 17 na jam’iyyar APC sun kaɗa kuri’ar amincewa da tsige shi daga mukamin shugabancin masu rinjaye na majalisar.

Da yake ganawa da manema labarai jim kadan bayan zaman majalisar, shugaban kwamitin yada labarai Tanimu Musa ya ce, an tsige shi sakamakon rashin samun tabbaci a kan sa.
Sai dai ya ce, za a sanar da sabon shugaban bada jimawa ba.