Ilimi: An dakatar da fara rubuta jarrabawar Qualifying a Kano

Ma’aikatar Ilimi ta jihar Kano, ta dakatar da rubuta jarrabawar Qualifying ta  bana da aka shirya fara wa yau Talata 14 ga watan Nuwamba.

A cewar gwamnatin ta dage rubuta wannan jarrabawa har sai ta sake fitar da wata sanarwar.

Wannan na ƙunshe ne ta cikin wata sanarwa da Daraktan wayar da kan jama’a na ma’aikatar Balarabe Abdullahi Kiru ya fitar ya kuma rabawa manema labarai dakatarwar ta biyo bayan matakin tsunduma yajin aiki da kungiyoyin NLC da TUC suka dauka a fadin kasar

Sai dai sanarwar ta yi kira ga jama’a da kada su damu musamman Dalibai da Iyaye da su jure duk wata matsala da za ta iya tasowa sakamakon dakatarwar