Iyaye na jefa yaransu a ƙangin bauta – NAPTIP

Hukumar yaƙi da fataucin bil-adama ta ƙasa NAPTIP, ta ce iyaye ne ke bayar da babbar gudunmawa wajen azabtar da ƙananan yaransu ta hanyar tura su aikatau cikin birane.

Shugaban hukumar shiyyar Kano wanda ke kula da jihohin Arewa maso yamma Desmond Garba ne ya bayyana hakan.

Yayin taron yini huɗu da ya mayar da hankali kan wayar da al’umma game da illar tura yara aikatau.

Desmond Garba ya ce, babbar illar ce kai yara aikatau domin hakan na daƙile musu hakkin neman ilimi tare da lalata rayuwarsu.