JAMB na shirin sama wa daliban da suka dawo daga Sudan makoma

Hukumar shirya jarabawar shiga manyan makarantu JAMB, ta ce, za ta samar da guraben karatu ga daliban da rikicin kasar Sudan ya rabo da karatunsu.

Shugaba hukumar farfesa Ishaq Olayede, ne sanar da hakan, ta cikin wata sanarwa da ya fitar a yau Laraba, kwana guda bayan wata ganawa tsakanin shugabannin hukumar ta JAMB da shugabar hukumar kula da ‘yan Nijeriya mazauna kasashen ketare Abike Dabiri Erewa.

Farfesa Ishaq Olayede, ya kuma bukaci daliban da su tabbatar sun bi ka’idojin da hukumar ta samar domin samun damar ci gaba da karatun su a gida Nijeriya.

Haka kuma, ya bukaci kada a halin ko-in-kula da daliban da rikicin kasar Ukraine ya shafa na yin shakulatun bangaro da karatunsu.