Labarai
JAMB ta ankarar da ‘ƴan Najeriya kan wasu masu shirya maguɗi a jarrabawar 2020
![](https://freedomradionig.com/wp-content/uploads/2020/01/JAMB-LOGO.jpg)
Hukumar shirya jarrabawar shiga manyan makarantun gaba da sakandire ta kasa JAMB ta ankarar da ‘ƴan Najeriya kan wasu masu shirya maguɗi a jarrabawa cibiyoyinta a lokacin jarrabawar 2020 a wasu sassan Arewacin Najeriya.
Shugaban JAMB, Farfesa Ishaq Oloyede ya ce sama da ɗalibai 400 da ke neman shiga manyan makarantun gaba da sakandire ne aka kama da shaidar samun gurbi na bogi.
A cewar hukumar, ƙungiyoyin masu shirya satar amsa a jarrabawar ta JAMB, wanda a baya an fi ganinsu a kudancin kasar a yanzu sun fara yaɗuwa a Arewacin ƙasar nan.
JAMB ta ce ta kama wani mutum mai suna Buhari Abubakar wanda aka kama yana rubuta wa wani Muhammad Sanusi jarrabawa.
You must be logged in to post a comment Login