Jami’an tsaro sun matsa kaimi wajen ceto Fasinjojin da aka yi garkuwa da su a Edo

Sojoji da ‘yan sanda da jami’an bijilanti a Jihar Edo sun zurfafa bincike don kuɓutar da mutanen da masu garkuwa da mutane suka sace.

Daga cikin wadanda akayi garkuwa dasu akwai Godwin Okpe da jami’an tsaro da wasu fasinjojin 29.
Sojoji da ‘yan sanda da jami’an vigilanti sun tsaurara bincike a tashar jirgin kasa da ke jihar Edo domin kuɓutar da fasinjoji 32 da aka yi garkuwa da su.

Rahotanni sun nuna cewa daga cikin wadanda aka yi garkuwa da su akwai mai kula da tashar, Godwin Okpe da shugaban jami’an tsaro, da aka bayyana sunansa da Ikhayere da fasinjoji 29.
‘Yan sanda dai sun ce suna iya kokarin su domin kuɓutar da fasinjoji’.

Wannan hari dai na zuwa ne watanni 10 bayan kazamin harin ‘yan bindiga kan jirgin kasar Abuja zuwa Kaduna, wanda mutum 14 suka mutu tare da yin garkuwa da wasu 65.

Inda sai da aka shafe watanni da dama ‘yan bindigar sun saki fasinjojin bayan an biya kudin fansa.