Jam’iyyar APC bata yiwa ‘yan Najeriya abunda suke so ba – Danjuma Isa Bakin Wafa

Jam’iyyar APC da kanta ta kada kanta a zaben Jihar Edo saboda bata yiwa mutane abunda suke so ba.

Adamu Danjuma Isa Bakin Wafa ce wa ya yi jami’iyyar APC da kanta ta kayar da kanta a zaben gwamnan Jihar Edo don haka a dena zargin kowa.

Adamu Danjuma Isa Bakin Wafa ya bayyana hakan ne ta cikin shirin Kowane Gauta na gidan Radio Freedom.

Bakin Wafa yace bai kamata a zargi kowa ba kan faduwar gwamnan Edo kamata yayi a yi duba kan irin gazawar da jam’iyyar ta yi musamman wajen gaza cika alkauran da ta yiwa ‘yan Najeriya.

Adamu Danjuma ya kuma kara da cewa kusan duk mukarraban gwamnatin Buhari basa taimakawa kowa baya ga matsalar rashin cika alkaura da APC din ta yi wanda hakan nada nasaba da faduwarta a zaben Edo daya gabata.