Connect with us

Manyan Labarai

Jihar Kano ce kan gaba wajen gurbatar muhalli- Airvisual

Published

on

Rahoton wata kungiya mai zaman kanta mai suna IQ Airvisual ,dake zaman ta a kasar Switzeland ta ayyana jihar Kano a matsayin jiha da ta fi kowacce jihar fuskantar gurbatar muhalli a fadin nahiyar Afrika, wanda mafi yawan gurbatar ke ta’allaka da gurbacewar iska da kimanin fiye da kaso 54 na iskar da ake shaka.

Rahoton ya bayyana cewa abinda ke haddasa yawan gurbacewar iskar sakamakon yawaitar ma’aikatun da ke fitar da hayaki , wasu lokutan kumab dagwalon masana’antu  da kone itatuwa domin samar da gawayi na daga cikin abinda ke haifar da gurbacewar muhallin.

Binciken dai  ya bayyana cewar birnin Kampala na kasar Uganda ce ta biyu bayan jihar Kano.

Sai  Fatakwal dake jihar Rivers wanda ta zo ta uku, sannan Addis Ababa dake kasar Habasha wacce it ace ta zo ta hudu a duk fadin nahiyar Afrika.

Jaridar Kano Focus ta rawaito cewar Kano ce ke kan gaba a jeren jihohin da ke fuskatantar gurbatar muhalli a fadin Duniya, da kimanin kaso 44 cikin dari, sannan kasar Uganda da Habasha.

Kungiyar ta IQ Airvisual ,ta ce nahiyar Afrika na fama da matsalolin gurbatar muhalli sakamakon rashin samun wayar da kai  yadda ya  kamata wajen inganta nahiyar Afrika.

 

Menene gurbatar muhallin  iska

Gurbatar muhallin iska wani abu  ne da ayyukan dan Adam na yau da kullum ke haifar da shi, wanda yake da illa ga  iska da muke shaka , baya ga kawo cikas da yake yi ga muhalli da muke ciki na yau da kullum.

 

Bincike ya nuna cewar akalla kimanin mutane fiye da miliyan 3 ne ke mutuwa sakamakon gurbatar muhalli ,musammam ta hanyar iska a duk shekara , walau ta hanyar amfani da itatuwa ko gawayi ko kalanzir da dai sauransu.

 

 

Coronavirus

Nijar: An fara feshin magani kan Corona a makarantu

Published

on

Hukumomin a jahar Damagaram sun kaddamar da fara feshin maganin rigakafin Covid-19 a cikin makarantun boko

A sadiyar Litinin dinnan ne shugaban kwamitin yaki da wannan cuta kuma magatakardar fadar gwamnan jihar Damagaram ya jagoranci bikin kaddamar da feshin a cikin makarantar Mela Douaram da ke tsakiyar birnin na Damagaram.

Magatakardar ya bayyana cewa sun fara wannan aiki ne a wani mataki na kare daliban daga kamuwa da wannan cuta ta Covid-19.

Wakilin mu Yakubu Umar Mai Gizawa ya rawaito mana cewa tun a kwanakin baya ne dai gwamnati ta sanar da ranar daya ga watan Yuni mai zuwa a matsayin ranar ranar da za’a koma bakin ajijuwan makarantun bayan shafe tsawan lokaci suna rufe sakamakon yaki da ake da cutar Covid-19.

Labarai masu alaka:

Amsoshin tambayoyi 20 kan cutar Corona – Dr. Ibrahim Musa

Covid-19: Gwamnati ta bada damar cigaba da sufuri a Nijar

Continue Reading

Coronavirus

Covid-19: Babu hawan sallah a Kano

Published

on

Maimartaba Sarkin Alhaji Aminu Ado Bayero yayi kira ga al’ummar Kano da su kiyaye dangane da yanayin da ake ciki na annobar Covid-19 da ta janyo sauyawar al’adun fada.

Sarkin ya bayyana hakanne a daren Asabar a Kofar Kwaru yayin da yake jawabi a gaban manyan hakiman sa kan yadda za a gudanar da sallar bana.

Maimartaba Aminu Ado ya ce babu hawan sallah na al’ada da masarautar Kano ta sabayi duk shekara saboda yanayin Corona.

Sarkin ya kara da cewa maimakon hakan Sarki zai tafi idi a kafa, inda zai fito ta kofar Fatalwa har zuwa filin idi na Kofar Mata da safe.

Bayan an idar da sallar idi kuma Sarkin zai biyo ta unguwar Kofar Wambai da Zage, sannan ya biyo ta Dorayi da Shahuci daga nan ya zarto zuwa Kofar Kwaru a Mota.

Ana sa ran Sarkin zai yi jawabi ga al’ummar Kano bayan sakkowa daga sallar idin a Kofar Kwarun kamar yadda al’adar masarautar Kano take.

Wakilinmu na fadar sarkin Kano Muhammad Harisu Kofar Nassarawa ya rawaito mana cewa Sarkin Kano Alhaji Aminu Ado Bayero ya jajantawa al’ummar Kano sakamakon rashe-rashen da aka samu sannan yayi fatan marasa lafiya Allah ya basu lafiya.

A karshe Sarkin yayi kira ga al’ummar Kano da su cigaba da kiyayewa tare da yin biyayya ga matakan da masana kiwon lafiya suka sanya wajen dakile yaduwar cutar Corona.

A shekarun baya dai, kafin annobar Covid-19 ta bullo akan shafe kwanaki biyar ana gudanar da hidimomin al’ada na masarautar Kano a yayin bikin karamar sallah.

Hoton Gwamnan Kano Dakta Abdullahi Umar Ganduje da Sarkin Bichi Alhaji Aminu Ado Bayero.

Continue Reading

Labarai

Ana shagulgulan karamar sallah yau a Nijar

Published

on

Al’ummar jamhuriyar Nijar sun bi sahun takwarorin su daga kasashen musulman duniya wajen shagulgulan salla karama.

A jiya ne dai majalisar musulunci ta kasar ta fitar da sanarwar ganin jinjirin watan a wasu sassan kasar wanda hakan ke nufin kawo karshen watan azumin Ramadan.

Tun da sanyin safiya ne dai al’ummar musulmin kasar suka yi fitar dango dan halartar masallatan idi.

Da misalin karfe 9 na safe ne, Limamin babban masalacin Idi ya jagoranci sallah raka’a biyu kamar yadda addinin musulunci ya tanada kafin daga bisani ya gabatar da huduba da harshen larabci.

Bayan haka suma daya bayan daya gwamnonin jihohi da mai martaba sultan na Damagaram sun gudanar da wani takaitaccen jawabin barka da salla ga al’ummar jihar.

Wannan sallah dai na zuwa ne a daidai lokacin da ake fama da cutar Covid-19 lamarin kuma da ya rage armashin sallar masamman ga magidanta da ke kukan rashin kudi.

Wakilinmu Yakuba Umaru Maigizawa ya rawaito mana cewa za’a ci gaba da bukukuwan karamar sallar har nan da kwanaki uku masu zuwa kamar yadda aka saba a al’adance.

Ku kalli hotunan yadda sallar idi ta kasance:

Continue Reading

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 324,396 other subscribers.

Trending

Copyright © 2019. Freedom Radio Group. All Rights Reserved.

error: Content is protected !!