Kano: Amaryar da aka sace ta kuɓuta

Rahotanni daga unguwar Ƙoƙi a nan Kano na cewa, amaryar nan da aka nema aka rasa kwana guda kafin auren ta ta kuɓuta.

Dangin amaryar sun tabbatar wa da Freedom Radio kuɓutar ta da safiyar Talata, sai dai ba su yi ƙarin bayani kan yadda ta kuɓuta ba.

A ranar Asabar ne aka nemi amaryar aka rasa yayin da ake tsaka da shirye-shiryen ɗaurin auren ta a ranar Lahadi.

Ƙarin bayani zai zo nan gaba.