Kano ce jiha mafi zaman lafiya a Najeriya – Tinubu

Jagoran jam’iyyar APC na kasa Sanata Bola Ahmed Tinubu ya ce Kano ce jiha mafi zaman lafiya a Najeriya.

Madugun jam’iyyar ta APC ya bayyana hakan ne ya yin wani taron cikar sa shekaru sittin da tara da haihuwa wanda ya gudana a Kano a ranar litinin.

Tsohon gwamnan jihar ta Lagos ya kuma yabawa gwamnan Kano Dr. Abdullahi Umar Ganduje, wanda ya ce, ya yi namijin kokari wajen gudanar da ayyukan raya kasa.

‘‘Kano jiha ce mai dumbin tarihi da zaman lafiya sakamakon yadda gwamnatin Ganduje ta aiwatar da ayyukan raya kasa, idan ka samar da zaman lafiya za ka ga masu sha’awar zuba jari suna ta tururuwa zuwa jihar don gudanar da harkokin su’’ a cewar tsohon gwamnan jihar ta Lagos.