KAROTA ta kama mutane 5 da sukewa hukumar sojan gona

Hukumar kula da Zirga-zirga Ababen Hawa ta jihar Kano KAROTA ta sami nasarar cafke wasu matasa biyar suna sojojan gona da hukumar.

Shugaban Hukumar KAROTA Engr. Faisal Mahmud Kabir ne ya bayyana haka a yau ta cikin wata sanarwa da Kakakin Hukumar ta KAROTA Nabilusi Abubakar Kofar Nai’sa ya sanya wa hannu

Ya Kuma bayyana cewa ‘an jima ana kawo ƙorafi hukumar cewa jami’anta na matsawa al’umma da karɓe-karɓen kuɗi’.

‘Bayan zurfafa bincike a wannan rana an sami nasarar cafke mutum biyar daga cikin wadanda ake zargin’.

Sanarwar ta bayyana cewa ‘Shugaban Hukumar ya ce za a dauki matakin gurfanar da su a gaban ‘yan sanda domin zurfafa bincike tare da ɗaukar matakin da ya dace’.

Shugaban ya Kuma roƙi al’umma da su ci gaba da bawa Hukumar KAROTA haɗin kan da ya dace domin gudanar da ayyukanta bisa tsarin doka da oda.

Rahoton:Bashir Sharfadi