Da ɗumi-ɗumi: An rufe hanyar Kano zuwa Huguma

Hukumar kiyaye abkuwar haddura FRSC anan Kano ta ce, za ta rufe hanyar Kano zuwa Kwanar huguma-Kari a yau Litinin.

Shugaban hukumar Zubairo Mato ne ya bayyana hakan a zantawar sa da Freedom Radio.

Mato ya ce, akan hanyar akwai gadar Tsamiya dake kan iyaka da Kano da Jigawa wadda ta karye sanadiyyar ruwan sama.

” Rufe wannan gada ya zama wajibi, kasancewar gadar ta karye kuma tana barazana ga rayukan al’umma, don haka ma’aikatar ayyuka ta kasa za ta fara aikin gyaranta daga kowanne lokaci”.

Zubairu Mato ya ce, masu bin hanyar za su iya bin hanyoyin birnin kudu zuwa kangyare a matsayin wucin gadi.