Tambuwal ya ƙaddamar da sabon shirin zamanantar da Almajirci

Gwamnatin jihar Sokoto ta ƙaddamar da wani sabon shirin zamanantar da Almajirci da karatun tsangayu da ta kwaikwayo daga ƙasar Indonesia.

Gwamnatin ta kafa wani kwamiti da suka je Indonesia suka gano yadda ake zamanantar da karatun tsangaya haɗe dana boko.

Dr. Umar Altine Dandumahe shi ne, shugaban Kwamitin ya ce, tuni suka fara aikin wayar da kan iyaye domin su rungumi wannan tsari maimakon wanda ake yi a baya.

Dr. Dandumahe ya ce, ƙarƙashin wannan tsari almajiran zasu samu karatun boko dana zamani, da kuma sana’o’in dogaro da kai.