Kasashe masu arzikin man fetur za su kara adadin man da suke fitarwa – OPEC

Kungiyar kasashe masu arzikin man fetur ta OPEC da sauran kasashe masu arzikin man fetur da ba sa cikin kungiyar, sun cimma yarjejeniyar kara adadin man da su ke fitarwa.

A baya dai kasashen da ke kungiyar ta OPEC sun rage adadin man da su ke fitarwa da akalla ganga dubu dari shida a rana.

Hakan ya biyo bayan wani taro da mambobin kungiyar ta OPEC da sauran kasashe masu arzikin man fetur da ba sa cikin kungiyar suka gudanar a jiya talata.

A yayin taron OPEC ta amince da mambobinta su kara adadin man da su ke fitarwa da akalla ganga miliyan biyu a duk rana kuma kasar Saudiya ce za ta ba da kaso mafi yawa.