Wasu jami’an gwamnati na yin zagon kasa ga harkokin tsaro – Khalifa Dikwa

Daya daga cikin dattijan jihar Borno farfesa Khalifa Dikwa, ya yi zargin cewa wasu daga cikin jami’an gwamnatin kasar nan suna yin zagon kasa ga harkokin tsaro.

A cewar sa, wannan dalili ne ya sanya har yanzu rikicin boko haram ya ki ci yaki cinyewa.

Farfesa Khalifa Dikwa ya bayyana hakan ne yayin zantawa da gidan talabijin na Channels.

Ya kuma bukaci gwamnati da ta yi amfani da na’urorin zamani wajen yaki da ta’addanci.