Labarai
Kotu a Kano ta yankewa mai cin zarafin kananan yara hukunci
Babbar kotun jihar Kano mai lamba biyu karkashin mai shari’a Aisha Rabi’u ta yanke hukuncin daurin shekaru goma sha shida ga wani mutum da ake zargi da neman kananan yara.
An gurfanar da mutumin mai suna Auwalu Abdullahi mazaunin unguwar Ja’en dake karamar hukumar Gwale a nan Kano, bisa zargin ya nemi wani karamin yaro dan shekaru takwas.
Wakilin mu na kotu Bashir Muhammad Inuwa ya rawaito mana cewa mai shari’a a Aisha Rabi’u tace lauyar mai kara Amina Yusuf ‘Yargaya ta gabatar da kwararan hujjoji kan wanda ake zargin.
A karshe kotun ta yanke masa daurin shekaru goma sha shida a gidan yari, tare da horo mai tsanani.
Rubutu Masu Alaka:
Kotu ta yankewa matashi hukuncin kisa a Kano
Kotun daukaka kara ta soke zaben Alhassan Doguwa
