Kotu ta dakatar da Ganduje daga shugabancin APC

Babbar kotun jaha mai lamba 4 karkashin jagorancin mai sharia Usman Na abba ta dakatar da shugaban jam’iyyar APC na kasa Dakta Abdullahi Umar Ganduje daga bayyana kansa a matsayin shugaban jam iyyar har zuwa sanda za a kammala shari’a tsakaninsa da shugabannin jam iyyar na mazabar Ganduje.

Tun da fari wani mutum mai suna Haladu Gwanjo da ya bayyana kansa a matsayin mai bada shawara akan harkokin sharia na jam iyyar APC a mazabar Ganduje ne ya roki kotun da ta dakatar da Gandujen daga shugabancin jam iyyar da har zuwa sanda za a kammala jin korafinsu.

Kotun ta aminta da rokon inda aka ayyana cewar kada Ganduje ya sake bayyana kansa a matsayin shugaban jam iyyar har zuwa lokacin sauraron shari,ar hakan dai na faruwa ne a dai dai lokacin da gwamnatin kano ta ke yunkurin gurfanar da Ganduje da mai dakinsa da dansa a gaban kotu a kan zargin rashawa.

Rahoton: Yusuf Nadabo Isma’il