Connect with us

Labarai

Kotu ta sassauta sharuɗan bada Belin Ɗansarauniya

Published

on

Kotun majistret mai lamba 58 ƙarƙashin mai Sharia Aminu Gabari ta sassauta sharuɗan da ta gindaya a kan bayar da belin Injiniya Mu’azu Magaji Ɗansarauniya.

Yayin da yake bayyana matsayar kotun mai Shari’a Aminu Gabari ya ayyana cewar kotun ta amince da rokon lauyan kariya ta kuma sassauta sharuɗan belin, inda ta nemi ya kawo Limamin garinsu maimakon na Dawakin Tofa.

Kotun ta kuma umarce shi da ya biya gilashin motar gidan gyaran hali da aka fasa lokacin da aka ɗauki shi a motar.

An kuma umarci shi da yayi shiru da bakinsa.

Tun da farko kwamishinan ƴan sanda na Kano Sama’ila Shuaibu Dikko ne ya gurfanar da Ɗansarauniya bisa zargin cin mutunci da ɓata suna da kuma yunƙurin tayar da hankalin al’umma ta hanyar yada wani kirkirarren hoton gwamnan kyano Dr Abdullahi Umar Ganduje da wata mata a shafinsa na Facebook zarge zargen da Ɗansarauniyar ya musanta.

A baya dai kotun ta sanya Ɗansarauniya a hannun beli sai dai ya gaza cika sharuɗan da aka gindaya masa.

A zaman kotun na ranar Juma’a tawagar lauyoyin gwamnati ƙarƙashin Barista Khadija Aliyu umar sun hallara a gaban kotun.

Lauyan kariya Barista Garzali Datti Ahmad ya bayyana cewar takardun da suka zo da su kotu takardu ne na neman sassaucin sharaɗin belin da kotun ta sanya ya kuma bayyana cewar za su bi duk wani sharaɗi da kotun ta sanya matuƙar kotun ta karɓi roƙon su.

Anan ne kotun ta sassauta sharaɗin Belin.

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Archives