Kano: Hisbah ta ɗauki limaman Juma’a aikin sa-kai

Hukumar Hisbah ta Jihar Kano ta ƙaddamar da kafata ina liman masallata kuma na jihar a matsayin dakarun Hisba na sa-kai.

Babban kwamandan hukumar Sheikh Harun Muhammad Sani Ibn Sina ne ya bayyana hakan ta cikin wani saƙon murya da ya aikowa Freedom Radio.

“A yau Juma’a mun bai wa kowanne limamin masallacin juma’a a jihar Kano shaidar zama ɗan Hisba amma na sa-kai kasancewar aikin su yayi daidai da aikin hukumar mu” a cewar Ibnu Sina.

Ya ci gaba da cewa “Mun ƙaddamar da katin shaidar ne ƙarƙashin amincewar kowanne ɓangare da ya haɗar da wakilcin Izala, Tijjaniyya Ƙadiriyya kuma mun tattauna kan yadda za a ƙara inganta aikin”.

Babban kwamandan hukumar Sheikh Harun Muhammad Ibn Sina ya kuma ce, an kusanto da limaman cikin hukumar ne don aikin ya ƙara ƙarfi tare da isar da saƙo cikin gaggawa.