Kotu ta yanke wa ƴan Vigilante 5 hukuncin kisa a Kano

Babbar Kotun jihar Kano mai Lamba daya karkashin jagorancin Mai sharia Dije Abdu Aboki, ta yanke wa wasu mambobin kungiyar Sintiri ta Vigilante hukuncin kisa ta hanyar rataya.

Kotun ta yanke musu hukuncin ne bayan da ta same su da laifin kashe wani matashi a unguwar Samegu da ke yankin sabon Titin Panshekara.

Kotun ta zartar musu da hukuncin ne da yammacin Alhamis ɗin makonan.

A baya dai an gurfanar da mutanen bisa kunshin tuhumar hadin baki domin aikata laifi da kuma kisan kai inda suka hallaka matashin Ahmad Musa da akafi Sani da Halifa.

Mutanen su ne: Emanuel Korau da Elisha Ayuba da Iremiya Timothy da Auwal Ja’afar da kuma Mustapha Haladu,.

Da ta ke yanke hukunci Mai shari’ar ta yi karatun baya da ta same su da Laifin kana ta yankemusu hukuncin kisa ta hanyar rataya.