Kotu ta yankewa matashi hukuncin kisa ta hanyar rataya

Babbar kotun jihar Kano da ke zaman ta a Miller Road ta yankewa wani matashi Nura Muhammad da aka fi sa ni da Gwanda hukuncin kisa ta hanyar rataya.

Wannan ya biyo bayan samun Nura da kisan wani matashi mai suna Mudan Muhammad a unguwar Fagge.

Da take yanke hukuncin a Alhamis din nan, mai shari’a Aisha Muhammad ta ce, an samu Nura da laifin kisan kai karkashin sashi na dari biyu da sha biyu (A).

Tun da fari lauyan gwamnati Barista Lamiɗo Abba Soron Ɗinki ne ya shigar da kara gabam kotun, kuma sun gabatar da shaidun su gida uku.

Sai dai mai shari’a ta yi sassauci bayan da lauyan wanda ake kara Najib Hamisu ya nema, inda hukuncin ya koma kisan kai ta hanyar rataya.