Kotun ɗa’ar ma’aikata ta buƙaci ƙungiyar NARD ta janye yajin aiki

Kotun ɗa’ar ma’aikata da ke zaman ta a Abuja ta bai wa ƙungiyar likitoci masu neman ƙwarewa NARD umarnin janye yajin aikin da suka tsunduma a ranar 2 ga watan Agustan da muke ciki.

Mai shari’a John Targema ne ya bada umarnin a jiya Litinin lokacin da yake bayani ga masu shigar da ƙara kafin zaman kotun.

A cewar sa, kotu ta yi nazari na tsanaki kan ƙarar da aka gabatar gabanta kan ƙungiyar, wanda hakan ne ya sanya kotun ta bada umarnin janye yajin aikin.

Sai dai tuni ƙungiyar NARD ta ayyana cewa ba za ta janye yajin aikin ba, duk da umarnin na kotu.