Kotun da’ar ma’aikata ta dage lallai dakataccen babban jojin kasa ya bayyana gaban kotu

Kotun da’ar ma’aikata ta dage kan cewar sai lalle dakataccen babban jojin kasar nan Walter Onnoghen ya bayyana a gaban kotun akan zargin da ake masa na rashin bayyana kadarorin da ya malaka.

Akalin kotun Danladi Umar ne ya bada umarnin a yayin cigaba da zaman shari’ar jimkadan bayan da bangarorin 2 suka amince da a dage cigaba da shari’ar zuwa 13 ga watan nan da muke ciki na Fabareru.

Mai shari’a Danladi Umar ya ce karkashin dokar hukunta masu cin hanci da rashawa, duk wanda lauya yake karewa, sai ya bayyana a kotu kafin wanda ake karar zai bada uzuri na rashin zuwan sa kotu.

 A dai jiya ne a yayin cigaba da sauraran karar, jami’an kotun da’ar ma’aikatar suka sanar da cewar dakataccen babban jojin Najeriya bai halacci zaman ba, a don haka ne alkalin kotun ya dage kan cewar sai ya zo da kan sa.