Connect with us

KannyWood

Kun san abinda ya hana jaruma Maryam Yahya aure?

Published

on

Kun san abinda ya hana jaruma Maryam Yahya aure?

Fitacciyar jarumar fina-finan hausa Maryam Yahya ta bayyana cewa rashin miji shi ne abinda ya hana ta yin aure.

Maryam Yahya ta bayyana hakan ne yayin wata tattaunawa da tayi da Freedom Radio inda tace.

“da aure da mutuwa duk lokaci ne, idan lokaci na yayi ai zan daga, babu mijin ne, ku fito ku aureni, rashin miji ne ya hanani yin aure, kun san maza na wuya yanzu”

Hotuna dai sun yi ta yawo a shafukan sada zumunta inda aka rika cewa an kasa Maryam Yahya a wajen saurayinta fitaccen mai shirya fina-finan nan wato Abubakar Bashir Maishadda, a don haka tasha alwashin kin kara yin soyayya, sai kuma kwatsama aka ji wannan sabon batu ya fito daga bakinta.

Saurari cikakkiyar tattaunawar da Freedom Radio tayi da jarumar

Sai dai a wata tattaunawa da Freedom Radio tayi da Abubakar Bashir Maishadda ya tabbatar mana da cewa tabbas a baya sun yi soyayya da Maryam, amma Allah ne bai yi zai aure ta ba, domin a yanzu haka ma an kusa bikinsa kamar yadda ya shaida mana.

Kun san abinda ya hana jaruma Maryam Yahya aure?

Maryam Yahya da Abubakar Maishadda

Matashiyar Jarumar dai tana daga cikin manyan jarumai da tauraruwar su ke haskawa a masana’antar fina-finan Hausa a wannan loakci.

Idan baku manta ba dai, a kwanakin baya wani bidiyo da yayi ta yawo a shafukan sada zumunta na zamani ya nuna jarumar cikin kayan bacci, wanda bama ta san ana daukarta a hoton ba.

Masoyan Maryam sunyi Allah wadai da yada wancan bidiyon.

Haka ma dai a watannin da suka gabata jarumar ta je kasar Saudia inda suka hadu da fitaccen dan wasan kwallon kafar nan wato Pogba inda aka hasko Maryam tana ta ihu ta ga Pogba.

Wannan shima dai wani batu ne da ya mutsa hazo a tsakanin masu amfani da dandalin sada zumunta masu goyon baya da kuma masu sukan ta.

Rubutu masu alaka:

Kishiya da rashin kudi ne za su hana ni auren Yawale -Rayya

Na taba yin soyayya da Maryam Yahaya a baya –Mai Shadda

Nafi so na fito a matsayin fitsararriya a film -Maryam Yahaya

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 328,732 other subscribers.

Copyright © 2019. Freedom Radio Group. All Rights Reserved.

error: Content is protected !!