Connect with us

Labarai

Kungiyar Kwadago sun cimma yarjejeniya da Gwamnati

Published

on

Gwamnatin tarayya ta ce ta cimma yarjejeniya da gamayyar kungiyoyin kwadagon kasar nan game da yadda za a aiwatar tsarin biyan mafi karanci albashi ga ma’aikatan kasar nan.

Rahotanni sun ce an cimma yarjejeniyar ce, bayan kwashe tsawon awanni ana tattaunawa a daren jiya zuwa wayewar garin yau, Juma’a.

Ministan kwadago da samar da aikin yi, Dr. Chris Ngige ne ya bayyana haka ga manema labarai da safiyar yau juma’a.

A cewar ministan, gwamnati da gamayyar kungiyoyin kwadago, sun amince da tsarin da za a yi amfani da shi wajen karin albashi ga sauran ma’aikata da basa matakin naira dubu talatin.

Ita dai kungiyar kwadago tun farko ta bukaci yin karin kaso ashirin da tara ga albashin ma’aikata da ke mataki na bakwai zuwa goma sha hudu, yayin da ta bukaci karin kaso ashiriin da hudu ga wadanda ke matakin albashi na goma sha biyar zuwa goma sha bakwai.

NLC:sunyi barazanar tsunduma yajin aikin gama gari

NLC da wasu kungiyoyi sun shawarci gwamnati kan kudaden Paris Club

Shugaba Buhari ya taya shugaban kungiyar kwadago murna lashe zabe

Sai dai da ya ke zantawa da manema labaran, Dr Chris Ngige, ya ce, sun cimma yarjejeniyar yin karin kaso ashirin da uku ga ma’aikata da ke matakin albashi na bakwai yayin da wadanda ke matakin albashi na takwas za su samu karin kaso ashirin.

Sauran sune masu matakin albashi na tara wadanda za su samu karin kaso goma sha tara, sai wadanda ke matakin  albashi goma zuwa goma sha hudu an yi musu karin kaso goma sha shida sai kuma ma’aikatan da ke matakin albashi goma sha biyar zuwa goma sha bakwai wadanda aka yi musu karin kaso goma sha hudu.

Tun a watan Afrilun bana ne dai, shugaban kasa Muhammadu Buhari, ya sanya hannun kan dokar fara biyan mafi karancin albashin.

 

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!