Kwamitin gasar Olympic a Najeriya zai baiwa ‘yan jarida horo

Kwamitin shirya gasar Olympic ta kasa tare da hadin gwiwar kwamitin shirya gasar ta duniya sun shirya tsaf don gudanar da bitar kwanaki biyu ga masu bada rahotannin wasanni a Najeriya.

Za a gudanar da taron bitar ne ga duk dan jaradar da ke bada rahotannin wasanni a ranar 27 da 28 ga watan Afirilu

Shugaban kwamitin gasar Olympic ta kasa injiniya Habu Ahmad Gumel ya ce bitar tazo a daidai lokacin da ake bukatarta duba da yadda ake dab da fara gasar Olympic ta duniya.

“Yana da matukar mahimmanci mu bawa ‘yan jarida dake bada rahotannin wasanni horo na musamman duba da saura ‘yan watanni kadan a fara gasar Olympic ta 2020 a birnin Tokyo dake kasar japan,” a cewar Gumel.