Connect with us

Kiwon Lafiya

Kwamitin tsaro na majalisar dinkin duniya ya kakaba wa Sudan ta Kudu takunkumin haramta mata sayen makamai

Published

on

Kwamitin tsaro na majalisar dinkin duniya, ya kakabawa kasar Sudan ta Kudu takunkumin haramta mata sayen makamai.

Kudurin da Amurka ta gabatar dai ya samu amincewar kwamitin ne bayan samun kuri’u 9 da ya ke bukata a zauren kwamitin tsaron, yayin da Rasha, China, Ethiopia, Bolivia, Equatorial Guinea da Kazakhstan suka ki amincewa da kudurin, bisa dalilan cewa bangaren gwamnati da na ‘yan tawayen kasar kan kokarin cimma tabbataccen sulhun kawo karshen yakin kasar.

Amurka da wasu kasashen Turai sun jima suna kiran da a kakabawa Sudan ta kudu takunkumin cinikin makamai, sai dai Amurka ta gaza samun nasara kan bukatar a watan Disambar shekarar 2016, da ta mika kudurin ga kwamitin tsaron na Majalisar dinkin duniyar.

A shekarar 2013, yakin basasa ya barke a Sudan ta Kudu shekaru 2 bayan samun ‘yancin kai daga Sudan.

Rikicin ya fara ne bayan da shugaban Sudan ta Kudun Salva Kiir ya zargi mataimakinsa Riek Machar da yunkurin yi masa juyin mulki.

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 333,453 other subscribers.

Copyright © 2019. Freedom Radio Group. All Rights Reserved.

error: Content is protected !!