Kwastam ta kama wani mutum dauke da tarin ATM a Kano

Hukumar hana fasa kauri ta kasa Kwastam ta cafke wani mutum dauke da katin cirar kudi na ATM Sama da guda dubu biyar, a filin jirgin saman Malam Aminu Kano.
An cafke mutumin ne lokacin da yake kokarin hawa jirgi domin tafiya zuwa birnin Dubai.
Hukumar hana fasa kaurin ta damka mutumin a hannun hukumar yaki da cin hanci da rashawa ta kasa EFCC.
Babban kontrolan hukumar kwastam mai lura da Kano da Jigawa Malam Nasir Ahmed yace sun cafke mutumin da dauke da wadannan ATM a cikin jakar wake, kuma suna zargin akwai wata boyayyar niyyar yiwa tattalin arziki kasa zagon kasa a tattare da shi.