Matsalar hanya: Ƴan majalisun Kano sun farga

A zaman majalisar dokokin jihar Kano na yau shida ga watan October ƴan majalisun sun mayar da hankali wajen nemawa yankunansu hanyoyi duba dacewa matsalar hanya ta yiwa yankunan karkara yawa ga kuma yanayi na damina al’umma na shan wahala wajen zirga-zirgar yau da kullum.

Ƴan majalisun da suka gabatar da ƙudirin neman gyaran hanyoyin sun haɗa da Ɗan majalisa mai wakiltar Kumbotso Mudassir Ibrahim Zawachiki da Yusuf Sulaiman Baban Gida mai wakiltar Gwale sai Ɗan majalisa mai wakiltar Bunkure Mahmud Uba Gwurjiya dana Ɗanbatta Murtala Musa Kore sai na Shanono da Ɓagwai Ali Ibrahim Isah Shanono sai na Gwarzo Inusa Haruna Kayyu.

Wakiliyar mu Khadija Ishaq Muhammad ta rawaito cewa cewa ƴan majalisun sun nemi gwamnatin Kano da ta duba al’ummar yankunansu ta magance musu matsalolin lalacewar hanyoyin.