Ma’aikatan hukumar NIPOST zasu tsunduma yajin aiki jibi

Ma’aikatan Hukumar aikewa da wasiku ta kasa (NIPOST) sun ce za su tsunduma yajin aiki a jibi Laraba, sakamankon kin biyansu alawus din su na shekaru uku da mahukuntar hukumar su ka yi.

,

Hakan na kunshe ne cikin wata wasika da ma’aikatan su ka aikewa shugaban Hukumar na kasa Bisi Adegbuyi.

A cikin wasikar ma’aikatan sun ce suna gargadin Hukumar da ta biyasu alawus din nasu ko kuma su tsunduma yajin aiki a jibi laraba.

Wasikar mai kunshe da sa hannun shugaban kungiyar manyan ma’aikatan Hukumar Yunusa Muhammed da Sakataren kungiyar Ayo Olorunfemi, sun ce matukar hukumomin su ka gaza biyan alawus din cikin wa’adin da su ka basu, to kuwa za su tsunduma yajin aiki.