Labaran Kano
Mahaifi yaki karbar gawar dansa tsawon shekaru 20 a Kano
Wani magidanci mai suna Shu’aibu Ahmadu mazaunin unguwar Brigade dake nan Kano, yaki karbar gawar dansa mai suna Auwalu Shu’aib da ya rasa ransa tsawon shekaru 20 da suka wuce.
Ana zargin matashin dan nasa ya rasa ransa ne sanadiyar wani sufeton ‘yan sanda mai suna Kwanta-Kwanta tun a wancan lokacin.
Dattijo Shu’aibu Ahmadu ya shaidawa shirin Indaranka na nan Freedom Radio cewa yaki amincewa ya karbi gawar dan nasa ne, domin neman ayi masa adalci bisa yadda dan nasa ya rasa ransa.
A jiya jumu’a ne dai asibitin kwarraru na Murtala Muhammed dake nan Kano ya bada sanarwar cewa har izuwa wannan lokaci gawar matashin tana nan kuma suna cigaba da kula da ita.
Allah ya kyauta.
RUBUTU MASU ALAKA:
An bude masallacin jumu’a na marigayi Umar Sa’id Tudunwada
Kungiyoyi sun yi zanga-zanga a Kano
Matakan Gwamnatoci sun kasafta fiye da biliyan 600
