Mahaifina ya min wasiyya ko ya mutu kada na bar Ganduje – Doguwa

Shugaban masu rinjaye na majalisar tarayya Alhassan Ado Doguwa ya ce, ba zai bar Ganduje ba saboda wasiyyar mahaifinsa.

Doguwa ya ce, kafin mahaifinsa ya rasu ya roƙi da ya riƙe Ganduje matsayin uba saboda karamcin da ya nuna masa.

Ya ce, Mahaifinsa ba shi da lafiya, Gwamna Ganduje ya taka har asibiti ya duba shi.

Saboda haka ba zai taɓa mantawa da wannan ba, kuma mahaifinsa Alhaji Ado Garba ya yi masa wasici da ya yiwa Ganduje biyayya.

Ado Doguwa ya ce, yana roƙon kada Allah ya kawo lokacin da zai yiwa Ganduje tawaye.

Wannnan dai na zuwa ne yayin da rikicin Doguwan da Murtala Sule Garo mataimakin ɗan takarar Gwamnan APC a Kano ke ƙara ƙamari.