Majalisar dokokin Isra’ila ta kaɗa ƙuri’ar samar da ƙudirin mallake gaɓar Kogin Jordan

Majalisar dokokin Isra’ila ta kaɗa ƙuri’a kan samar da ƙudirin mallake Gaɓar Yamma da Kogin Jordan a matsayin yankin Isra’ila.

Ƙudirin wanda wani ɗan majalisar mai tsattsauran ra’ayi ya gabatar na zuwa ne a dai-dai lokacin da Mataimakin Shugaban Amurka JD Vance ke ziyara a ƙasar domin tattauna batun tsagaita wuta a Gaza.

A watan da ya gabata, Shugaba Trump ya ce ba zai bari Isra’ila ta mamaye yankin ba, wanda Falasdinawa ke kallo a matsayin tasu kasar.

Sai dai  Jam’iyyar Firaminista Benjamin Netanyahu ba ta amince da ƙudurin dokar ba, yayin da sauran mambobin gwamnatinsa  suka amince da shi.