Majlisar Kano ta musanta zartar da dokar dandatsa

Majalisar dokokin jihar Kano ta musanta cewa ta zartar da dokar yin dandatsa ga mutanen da aka kamasu da laifin fyade.

Dan majalisa mai wakiltar karamar hukumar Dala Lawan Husaini Chediyar ‘Yan-Gurasa ne ya bayyana haka yayin zantawa da tashar freedom rediyo.

Ya ce, an dai gabatar da kudirin gaban majalisar a kwanakin baya, sannan sai anji ra’ayin al’umma kafin a dauki mataki kan lamarin.

Ya kuma ce, majalisar za ta tsats-tsefe kudirin sosai kafin amince da shi.

Dan Majalisar ya kara da cewa masu ruwa da tsaki da suka hada da malamai da sarakuna za su taka rawa wajen tabbatar da wannnan doka .