Manoma sama da miliyan 2 zasu amfana da bashin miliyan 600-Buhari

Gwamnatin tarayya ta ce ƙarƙashin shirin APPEAL ta ware Naira biliyan 600 a matsayin rance don tallafawa manoma kimanin miliyan 2 da dubu ɗari 4 a faɗin ƙasar nan.

Shugaban ƙasa Muhammadu Buhari ne ya bayyana hakan a wani ɓangare na bikin ranar abinci ta duniya.

Shugaba Buhari, wanda ministan Noma da raya karkara Dakta Mohammed Abubakar ya wakilta, ya ce a shirye gwamnatin tarayya ta ke, wajen magance kalubalen ɓangaren aikin gona na ƙasar nan.

Mahmud Muhammad ya ce, a yanzu manoma miliyan 2 da dubu dari 4 ne ake tsammanin za su amfana da tallafin bashin wanda ba shi da kudin ruwa.