Mbappe ya tafi jinyar rauni na mako uku

Dan wasan gaban kungiyar Kwallon kafa ta Paris Saint German (PSG), ta bayyana cewar dan wasanta Kylian Mbappe zai shafe sati uku yana jinyar raunin da ya samu.

Tafiya jinyar da dan wasan zai yi , ta sa ba zai samu damar buga wasan da tawagar sa zatayi da da Atlanta ta kasar Italiya ba a gasar cin kofin Zakarun Turai na Champions league , ranar 12 ga watan Augusta, a wasan dab da na kusa da na karshe wato Quarter Final.

Dan wasan ya samu rauni a idon sawun sa (Ankle ) bayan da sukayi arangama da dan wasan Saint Etienne Perin, a wasan karshe na Coupe de France , da PSG ta samu nasara da ci 1 da nema.

Tafiya, jinyar dan wasan ta kawo tasgaro a kokarin da kungiyar take na daukar kofin Zakarun turai , wanda yake daga gaba -gaba a burin kungiyar .

Mbappe , ya zura kwallaye 30 a gasa daban -daban daya bugawa PSG a Bana, kafin a baiwa tawagar nasarar lashe kofin kasar Faransa na Ligue 1, bayan dakatar da gasar sakamakon Annobar Corona.