Motar dakon kaya ta yi taho mu gama da jirgin ƙasa a Kano

Da tsakar ranar Laraba wata babbar motar dakon kaya ta yi taho mu gama da jirgin ƙasa a Kano.

Babbar motar ta yi taho mu gama da jirgin ne a layin dogon da ya ratsa ta titin Ahmadu Bello way.

Hatsarin dai ya haifar da cunkoson ababen hawa lamarin da ya janyo tsayawar al’amura a yankin.

Sai dai mun tuntubi hukumar kula da jiragen ƙasa a nan Kano don samun ƙarin bayani kan yadda hatsarin ya faru, amma ba mu samu ji daga gare su ba, sakamakon kiran da muka yi musu ba su amsa ba.