Mun amince Kano Pillars ta dawo Sani Abacha da buga wasa-LMC

Kamfanin shirya gasar firimiya na kasa LMC ya amince kungiyar kwallon ta Kano Pillars ta dawo ci gaba da fafata wasa a filin wasa na Sani Abacha da Kofar Mata a Kano.

Sanarwar hakan na zuwa ne bayan da sakataren hukumar Alhaji Salisu Abubakar ya sanyawa hannu mai dau keda kwanan watan 12 ga Afrilun 2022 da muke ciki.

Salihu Abubakar ya ce hukumar ta LMC ta karbi korafe-korafe tin daga 1 ga watan da muke ciki daga bangarori da dama na bukatar Pillars ta dawo ci gaba da wasa a Jihar Kano wanda ya ke nan inda zata rika karbar bakuncin kungiyoyi daban-daban.

Kano Pillars dai ta shafe tsahon lokaci ba ta buga wasa a filin Sani Abacha, inda ta koma jihar Kaduna filin Ahmadu Bello kafin daga bisani ta koma Katsina filin Muhammadu Dikko wanda ta ke karbar bakunci wasanni a cikinsa.

Yanzu haka dai Kano Pillars zata kece raini da Katsina United a wasan NPFL a mako mao zuwa da ake saran idan ta kammala shiri tsaf zata buga wasa a filin na Sani Abacha.