Mun dakatar da yiwa ababen hawa rijista – Masari

Gwamnan jihar katsina Aminu Bello Masari,ya ce umarnin dakatar da yiwa ababen hawa rajista ya biyo bayan yadda ake samun matsalar tsaro a jihar.

Hakan na cikin wata sanarwa da gwmanan jihar,Aminu Bello Masari ya fitar aka rabawa manema labarai a jihar ta katsina.

Abubuwan da gwamnatin ta hana yiwa rijistar sun hadar da motoci na gida da kuma wadanda ake haya da su.

A cewar sanarwa, dakatar da yiwa ababen hawar rajisata, wani bangare ne na kokarin kawar da ayyukan bata gari da ke addabar jihar.

Gwamnan ya kuma ce sun dakatar da safarar Dabbobi da Shanu daga jihar zuwa wasu jihohin ko shigo dasu daga wata jiha daban.